№ 3 Атырау қалалық емханасының медицина қызметкерлері мектеп оқушылары арасында салауатты өмір салтын насихаттауда. Келесі күні емхананың "Үміт" жастар денсаулығы орталығының маманы Гүлайым Телеубаева, нарколог-дәрігер Самғат Каюпов Хиуаз Доспанова атындағы №18 орта мектептің жоғары сынып оқушыларына арналған семинарға қатысты. Іс-шара салауатты өмір салтын насихаттауға, нашақорлықтың, темекі шегудің алдын алуға, сондай-ақ жасөспірімдер мен жастар арасында хабардар болу деңгейін арттыруға бағытталған. Жоғары сынып оқушыларымен профилактикалық әңгімелер өткізілді. Соның ішінде оқушыларға трамадол, анаша сияқты психотроптық заттарды қолданудың адам ағзасына зиянды әсері туралы айтылды.